ავსტრალიაში ერთსქესიანი ქორწინება დაკანონდება. ქვეყანაში გამართული რეფერენდუმის მონაწილეთა 61,6%-მა ერთსქესიანი ქორწინების დაკანონებას დაუჭირა მხარი. ამის შესახებ ავსტრალიის სტატისტიკის ბიურო იუწყება.

რეფერენდუმს სავალდებულო ძალა არ ჰქონია, მაგრამ ქვეყნის პრემიერ-მინისტრმა მალკოლმ ტერნბულმა შედეგების გამოქვეყნების შემდეგ განაცხადა, რომ შობის დღესასწაულამდე კანონმდებლობაში შესაბამისი ცვლილებები შევა.

"მილიონობით ავსტრალიელმა საკუთარი აზრი დააფიქსირა და ხმათა უდიდესი უმრავლესობით ქორწინების საკითხში თანასწორობას დაუჭირა მხარი. მათ განუცხადეს "კი" სამართლიანობას, მეუღლეებს შორის ერთგულებას და სიყვარულს. ახლა დადგა დრო, როდესაც ჩვენ, ავსტრალიის პარლამენტმა, ჩვენი საქმე გავაკეთოთ", - განაცხადა ტერნბულმა.

რეფერენდუმზე ხმის მიცემა /* (c)AdOcean 2003-2017, Advertline.http:www.ambebi.ge.ambebi zones.________ _____ */ ado.slave('adoceanadvertlinegexgjtpwgtix', {myMaster: 'JMAMEgzB7aCnHl4YFlohfVnNXPY7F8b2mm8Ixy9EHUf.t7' }); ფოსტის საშუალებით მიმდინარეობდა და 8 კვირა გაგრძელდა. რეფერენდუმში მონაწილეობა 12,7 მილიონმა ადამიანმა მიიღო, რაც ამომრჩეველთა სრული რაოდენობის 79,5%-ს შეადგენს.